Flóamarkaður

Margir meðal frumbyggja Garðabæjar eru að eldast og minnka við sig og vilja gjarnan selja ýmislegt fyrir lítið. Auk þess væri kjörið fyrir handverksfólk í Garðabæ að koma sér og sínu handverki á framfæri og vera með sölubás. Hugmynd mín er að nýta eina af byggingunum við Vífilstaði undir Flóamarkað. Sú bygging sem næst stendur hringtorginu þar sem beygt er í Heiðmörk og Hnoðraholt er vonandi góður kostur en ekkert veit ég þó um ástand hússins.

Þessi hugmynd fellur ekki innan skilyrða lýðræðisverkefnisins Betri Garðabær og fer því ekki í kosningu. Margar hugmyndir sem féllu ekki innan skilyrða verkefnisins verður komið áfram til viðeigandi sviða innan sveitarfélagsins. Listi með öllum hugmyndum sem bárust í hugmyndasöfnun ásamt afstöðu matshóps við hverri hugmynd er að finna á vef Garðabæjar. Við þökkum þér kærlega fyrir þátttökuna í hugmyndasöfnun Betri Garðabæjar og vekjum um leið athygli á því að kosningahluti verkefnisins er farin af stað og hvetjum við þig til að taka þátt. Kynntu þér kosningarnar nánar á vef Garðabæjar, www.gardabaer.is. Með kveðju, verkefnahópur Betri Garðabæjar.